أبراج

ابراج اليوم الاربعاء 6/1/2021 مع خبيرة الابراج كارمن شماس

توقعات سمير طنب اليوم 6/1/2021 , حظك اليوم وتوقعات سمير طنب اليوم الاربعاء 6-1-2021 , توقعات سمير طنب للابراج اليوم 6/1/2021, توقعات سمير طنب اليوم الاربعاء 6 يناير 2021 , توقعات الابراج اليوم 6/1/2021 , توقعات سمير طنب لبرج الحمل 6-1-2021 , توقعات سمير طنب لبرج الثور , توقعات سمير طنب لبرج الجوزاء , توقعات سمير طنب لبرج السرطان , توقعات سمير طنب لبرج الاسد 6/1/2021 , العذراء 6/1/2021 , توقعات سمير طنب لبرج الميزان , توقعات سمير طنب لبرج العقرب

16

توقعات برج الحمل اليوم الاربعاء 6-1-2021
مهنياً:افضل بنهارك ومال المسا ..عم تبدا يومك بأمور ايجابية بطاقة وحظ ونفسياً مرتاح .. بدي منك تستغل فترة لنهار وتخلص الامور المهمة ..عندك اسلوب ومهارات وعم تكسب خبرات لتخلص اعمال كانت مؤجلة عندك .. نهارك افضل لحلول وعلاقات اجتماعية وعزائم وممكن عم تبلش بشي جديد .. والمسا بدك تنتبهلي لوضعك ولا تخلي الامور والاعمال تتراكم عليك او ضوج وانتبه على صحتك ..
عاطفياً:تتطورات حلوة بيومك العاطفي وبلاخص للاعزب ممكن بيحملك اعجاب وتتطور بعلاقتك.. والبعض ممكن يلتقي شخص غالي او عندو موعد عاطفي وحب عم يتبلور حاول كتير تكون دقيق بكلامك وتعرف تختار صح .. يوم بالمجمل حلو واتصالات ونجمك محبوب ..
صحياً:لا تهمل صحتك وبدك تحاول كتير تعطي وضعك صحي اهتمام وتعيد حساباتك صحية بلاخص المسا ..

إقرأ أيضا:برج العقرب اليوم الاربعاء 16/12/2020 مع خبيرة الابراج كارمن شماس

توقعات برج الثور اليوم الاربعاء 6-1-2021
مهنياً:روق بنهارك وبلا عصبية واستفزاز ومن المسا افضل .. عم تكون مالل وضايج وطبعك منرفز و عنيد وعم يصير معك قصة عم تعبك وانت عم تحط حالك بضغوط متعبة وعم تبذل جهد وطاقة لتحلها .. بنهار الحظ مو كتير .. قصص بالعيلة بتشغلك او موضع عقار او بيت وشي بخص مال وانتبه ع صحتك ..المسا بترجع طاقتك ونشاطك وتحسن تدريجي بوضعك وانفراج تدريجي وحلول ناطرتك ..
عاطفياً:لا تكبر المشاكل وحاول تلاقي حل لا تخلي لافكار تسيطر عليك .. عم تفقد ثقة بشريك او بعض الاشخاص وممكن البعض يوصل لطريق مسدود بلاخص اذا العلاقة متوترة حتى انت عندك حيرة ومابتعرف شو بدك تتصرف .. المسا انت افضل وعاطفي واجواء رومنسية عندك وممكن عم تزيد عاطفتك تجاه شخص وحابب يكون في شي بينك وبينو او لقاء وعزيمة ولا تتردد اذا عندك اي طلب ..
صحياً:لا تحمل القصص اكتر مابتستاهل مشان حالتك نفسية وخفف من تناول طعام بلاخص النشويات ..

توقعات برج الجوزاء اليوم الاربعاء 6-1-2021
مهنياً:لقاءات وتنقلات واختبار بنهارك والمسا امور عائلية وقصة بالعيلة او شخص مقرب .. خلص كلشي بنهارك ولا تأجل شي انت بيوم منيح وامورك منيحة نسبياً وانت قادر تقنع الكل وتأثر بأفكارك وأرائك وعم تعطي وجهة نظرك وبتلاقي أنفراج وارتياح بوضعك تدريجي .. المسا امور بالعيلة بتشغلك ومالية وبدك تكون متفهم وتهدي لتعرف كيف تلاقي حلول وفي لمة حلوة عائلية او عزيمة ..
عاطفياً:جذاب بيومك وعم تأثر على الجنس الاخر وبتعيش فترة عاطفية نوعاً ما مستقرة بعض الشيء وبتحل خلاف وتوتر كان موجود .. برغم انو في تصرفات بتزعجك الا انك عم تتحمل ومو حابب تعكر الاجواء .. والبعض عندو تواصل واتصال عاطفي والاجواء المسا عم تكون افضل وتحسن وعودة بعض العلاقات بعد جفا ..
صحياً:حفاظ على نظامك الغذائي لتكون بصحة جيدة هاليوم والامور للافضل نشالله بعد وعكة صحية ..

إقرأ أيضا:برج الحوت اليوم الثلاثاء 8/12/2020 مع خبيرة الابراج كارمن شماس

توقعات برج السرطان اليوم الاربعاء 6-1-2021
مهنياً:قصص مالية عم تشغلك عندك وضع البيت مكركب ..اشتغل شغلك وفكر بحلول واتصالات وسهرة
عم يكون عندك مصاريف عم تزيد وماعم تظبط امورك وبلاخص انت لازم تلاقي شغل ومورد جديد ومدخول مالي جديد بس شوي شوي بيتحسن وضع المال والمسا تحسن باتصالات مهمة او خبر منيح وممكن عزيمة وتواصل بيكبر وبتجهز لسفرة او مشوار وناس جديدة ..
عاطفياً:ماحدا عم يقدر وضعك اشتغل الي براسك ولا ترد على الحكي .. الوضع عاملك توتر نفسي وحتى شريك ماعم يقدر مشاعرك .. حاول تنسجم اكتر مع الشريك وتتبادل معو المشاعر والاجواء العاطفية وانت بحاجة لروح جديدة بعلاقتك بتوقع انك تعبت كتير و نشالله من المسا بتتحسن الامور واتصالات واجواء افضل من قبل .
صحياً:ارهاق وتعب نفسي وبدك بس تطلع من وضعك الممل والمزعج عليك بالمشي لتحسن وضعك صحي ونفسي .

توقعات برج الأسد اليوم الاربعاء 6-1-2021
مهنياً:طاقة وحظ بيومك ومن المسا امور مالية . عندك طاقة وقدرة على تحرك قادر ترتاح من بعض ضغوط والمشاكل لقاءات ورفقات وتحسن اجتماعي وعلاقات عم تكبر واهتمام عائلي .. من المسا قصص مالية بتشغلك او أتصالات بتخص المال او حدا بحاجة مساعدة مال بيجيك وضب ايدك ع مصاريفك وظبط حساباتك وفي حوالة للبعض ..
عاطفياً: انت بيوم حلو وفي استقرار لوضعك واي عراقيل بتنحل لاتخاف لانو الحظ معك وجاذبيتك غير شكل .. أفتح قلبك من جديد ولا تفكر بشي راح والشريك بكون بحدك واتصالات بتكتر لاتهتم لشي تاني .. ممكن شريك قديم يرجع او ممكن يوصلك شي منو .. المسا في شوق وحنين ولا تفكر بشي ولاقي حلول وهدي ..
صحياً:عم تتعرض لشوية التهابات خفف منبهات وتدخين ..

إقرأ أيضا:برج الاسد اليوم الخميس 14/1/2021 مع خبيرة الابراج كارمن شماس

توقعات برج العذراء اليوم الاربعاء 6-1-2021
مهنياً:تعب بنهارك وانتبه ع صحتك تطورات ايجابي وعلاقات اجتماعية بلاخص من المسا ..هدي حالك ولا تتشائم وقصص اطفال ومو مرتاح نفسياً في قصص عم تتأجل او تتأخر لا تنفعل وحاول تلاقي حلول وضب ايدك ع مصاريفك .. من المسا تحسن تدريجي وانفراج وبترجعلك طاقتك وخبر بحسن وضعك وبتكون اكتر تركيز ونشاط وحلول لمشاكلك وسهرة حلوة وعزيمة ..
عاطفياً:شريك متعبك وبعض التصرفات عم تثير انفعال وعصبية وشكوك عم تكون بيومك عم تكون اكتر اندفاع بكلامك وعم تفصح عن مشاعرك .. المسا امورك افضل وبتعيش اجواء احسن تواصل واتصالات وبتبلش لامور تتحسن تتدريجي وممكن بتشوف حدا قديم .. لاعزب اوقات حلوة ناطرتك هاليومين ..
صحياً:خفف من المنبهات والمشروبات الغازية ونتبه على المعدة .. وجسمك بحاجة للحلويات بس نتبه من مشاكل الاسنان .

توقعات برج الميزان اليوم الاربعاء 6-1-2021
مهنياً:علاقات اجتماعية وتنقلات واجواء حلوة وبيحملك زيارات وممكن تنعزم او تعزم عند حدا غالي وبتحبو .. عندك طاقة ونشاط وحيوية وطاقة عم يزيد تركيزك بهاليوم وعندك تخطيط الامور ممكن تكون مستقبلية او عم تمهد الطريق .. عم تختار قرارات مميزة لتنجح وتحقق شي بدك ياه اليوم وممكن اذا بحاجة مساعدة لا تتردد .. والمسا قصة بتشغلك وناس كتيرة عندك وممكن شي بخص المال او دين وقصة اوراق ..
عاطفياً:يوم عاطفي عندك جاذبية وعم تأثر على الشريك وعلى الجنس الاخر يومك بيعطيك دافع لتبلش بعلاقات جديدة وممكن تلاقي اعجاب وامورك العاطفية بتتحسن بهاليوم واجواء رومنسية واتصالات طويلة ولقاء .. بس المسا نتبهلي من سوء تفاهم مع الشريك وبلا ماتكبرو القصة بتخف المشاعر وتواصل قليل ..
صحياً:لا تخلي الاشخاص سلبيين يأثرو عليك وعلى نفسيتك وغير جو ..

توقعات برج العقرب اليوم الاربعاء 6-1-2021
مهنياً:جهد وتعب و علاقات اجتماعية وضغط بشغلك والمسا امور مالية وعاطفية .. روق بنهارك وحاج تشائم وافكار محبطة هاشي عم يخلي طاقتك سلبية وافكارك وشي الي عم تقوم في ماعم يجبلك نتيجة وماعم تركز بوضعك بالبيت ولا بشغلك .. قصة ممكن تصير بيومك بحاجة لحل سريع وحاول لا تعمل مشاكل ولاتتأخر بأنجاز أعمالك او بمواعيدك المسا بترتاح من ضغوط وبتقضي وقت حلو وتطورات ولقاءات وعزايم واتصالات عم تبحث امور قضائية او ورقة حكومية وشي بخص المال كمان .. عاطفياً:محتار شو بدك وضعك متعبك ومانك متحمل ولا كلمة طبعك حساس وشريك مزعج وماعم يقدر شي الي عم تعملو أنتبه من مشكلة بنهارك ولا تخلي الوضع يطور اكتر من هيك .. حاول تقلب الامور لصالحك ولا تكون متأفف او الملل مأثر عليك .. حاول تغير جو او تطلع من وضعك المسا لامور افضل وتحسن بعلاقتك واجواء حميمية ..
صحياً:السوائل والخضار افضل لجسمك هالفترة والقهوة وتدخين كترانين خفف .

توقعات برج القوس اليوم الاربعاء 6-1-2021
مهنياً:مدعوم بنهارك تطورات واختبارات واخبار منيحة وحلول لقصة ما .. عم تخلص اعمالك وسفر وتحرر من القيود والعراقيل تغيرات ايجابية وفرصة لتبلش شي جديد اخبار منيحة وممكن عندك لقاء مهم ومصيري بنسبة لك ومال بيشغلك .. افكار حلوة ومغرية وناس جديدة بيومك حاول تستغل هاليوم لتكون بحالة جيدة .. والمسا شيء طارئ بشغلك او قصة مع شخص مقرب و مساعدة ..
عاطفياً:اعجاب والعين عليك وكلام حلو بتسمع ..اخبار حلوة عنك بهاليوم وبتلاقي اشياء ايجابية وتطورات بعلاقتك مع الشريك وفيك تعزز علاقتك وتفاهم على بعض الامور المستقبلية وتتشارك مع الشريك اوقاتك ومشاريعك وبكون الو نظرة او عم يعطي رأي مستقبلي بعلاقتك في .. البعض لقاء مع شريك من نوع اخر ولاعزب فرصة حلوة او صدفة مميزة بيومك ..
صحياً:نتبه لاعصابك ومابدي ياك تكون متوتر هاشي كلو بينعكس على جهازك العصبي وعندك مشكلة صحية لا تسمع لكلام ناس واستشير اخصائي ..

توقعات برج الجدي اليوم الاربعاء 6-1-2021
مهنياً:مال وتحسن تدريجي من المسا .. عم تعاني تأخير وتأجيل بقصة ما وشوي شوي امورك افضل بترتاح من تعب وعندك تنقلات قريبة وناس عم ترجع تشوفها بعد فترة وقصة سيارة او موبايل وعقارات .. في حلول لقضية متعبة وبلاخص اذا كانت مالية .. مال ومدخول بيومك ومصاريفك كبرت كتير بحاجة تراجع حساباتك او تلاقي شي مشترك ومقبل على عملية شرائية .. بترتاح من المسا وخبر ناطرك هاليوم واتفاق واجواء افضل وبتغير من سلوكك شخصي واتصال مهم وبتجهز لأختبار او سفر ومال من مكان بعيد ..
عاطفياً:لاعزب يوم حلو وتفائل والعين عليك وجذاب وممكن حدا يصارحك او انت عم تسمع حكي حلو .. المرتبط بعد فترة ماكنت مرتاح فيا انت بوضع احسن اليوم وتطورات ايجابية بعلاقتك مع الشريك يوم رومنسيتك وعاطفتك بتزيد واجواء حلوة بأتصالات وتواصل .. والبعض لا تعند وساير وسامح لتلاقي تحسن بوضعك ..
صحياً:نتبه من عصبيتك وانفعالك حتى ماتتعرض لوعكة صحية حرك حالك ونفسيتك مو تمام هالايام ..

توقعات برج الدلو اليوم الاربعاء 6-1-2021
مهنياً:تعب بنهارك والمسا مال .. ضبابية عم تسيطر على وضعك وشراكاتك وناطر الحلول بدنا نهدي خلال لنهار وبلا مانعمل مشاكل مع حدا وحتى بدك تتمالك نفسك كتير مشان ماتكبر القصة لان عندك تأجيل او تأخير .. المسا بتبلش ترتاح وممكن بتخف عنك ضغوط شوي شوي والبعض عندو امور مالية و نقاش بخصوص مال وبتجهز حالك لسفرة قصيرة او مشوار وضب ايدك على مصاريفك ..
عاطفياً:تصرفات شريك ومتعبة والمشاكل من لا شيء بتصير وبدون سبب في لوم واستفزاز وكلام عشوائي .. كتير بدي تحاول تلاقي حلول وتروق لتعرف كيف تتعامل مع الوضع .. والبعض علاقات قديمة عم تشغل تفكيرك ومانك راضي عن الوضع وعم تحاول تساير او عم طنش لان مو حابب تفوت بأجواء مكركبة من جديد ..
صحياً:لا تخلي وضعك يسبب الك توتر وعصبية لان ممكن تعاني مشاكل بجهازك العصبي ونفور حب بالوجه والجسم ..

توقعات برج الحوت اليوم الاربعاء 6-1-2021
مهنياً:شغل وصحة بنهارك والمسا شراكات .. ملل مسيطر ع وضعك وشغل كتير في تعب بشغلك وبيتك وماعم تقدر تلاقي الحلول وأنتبه بنهارك لتنهي شي او تختلف مع حدا وعقد او شراكة بلاخص اذا كانت الامور متوترة وحاول تفكر بشراكة جديدة تحقق غايتك ..رتب امورك و هدي حالك وخليك صامد بوجه صعوبات لان الفرج قريب وتغيرات لصالحك المسا أنتبه من شراكاتك العاطفية او المهنية وقصة جمعيات سكنية او مالية في حكي فيها ..
عاطفياً:كون حريص على وضعك واي توتر مو لصالحك
الوضع واقف على دقرة ومبررات كتيرة لتعمل مشكلة على اي سبب مهما كان تافه .. بدي منك تحسبا صح ولا تتسرع لان مارح يجيك غير وجع راس وتعب قلب لانو الشريك فعلاً مو مهتم ممكن في نقاش ومواجهة بيومك .. انت كتير مزعوج من تصرفات الشريك بس لازم ماتترك مجال ليفرض عليك شي .. والبعض عم يفكر بقصة ارتباط جديد او تتطور علاقة مع شخص …
صحياً:تابع وضعك صحي ولتزم بتعليمات عندك اختبار صحي أنتبه لتتجاوز هالوضع..

السابق
برج الحوت اليوم الاربعاء 6/1/2021 مع خبيرة الابراج كارمن شماس
التالي
برج الحمل اليوم الاربعاء 6/1/2021 مع خبيرة الابراج كارمن شماس

اترك تعليقاً